Që kur humbi zgjedhjet në bashkinë e Tiranës me 60 mijë vota diferencë, Belind Këlliçi ka një vit pa punë. Këlliçi nuk është prej më shumë se një viti, as deputet i PD-së, që do të thotë se zyrtarisht ai është i papunë dhe si i tillë nuk ka të ardhura.
Por, nëse bëjmë një krahasim të dy fotografive: të Belind Këlliçit të periudhës Mars-Maj 2023 me Belind Këlliçin e periudhës Maj-Qershor 2024, vërejmë një ndryshim interesant në look-un e tij. Duket se gjatë 1 viti, si i papunë (të paktën zyrtarisht), Këlliçi i është nënshtruar mbjelljes së flokëve, për të përmirësuar imazhin e tij, raporton “Shqiptarja.com”.
Një trajtim estetik që kushton nga 2000 deri në 3500 euro, ose më shumë, gjithmonë në varësi të sasisë së flokëve që ti mbjell, e ndoshta s’do binte në sy po të mos ngrihej pyetja se si ka mundësi që, dikush që është pa punë, mund të shpenzojë mijëra euro për të mbjellë flokët?!
