Ish-kryeministri dhe kreu i Partisë Demokratike, Sali Berisha, ka konfirmuar se nuk do të heqë dorë por do të rikandidojë në zgjedhjet e ardhshme të vitit 2029.
I pyetur nga moderatori i emisionit “Opinion”, Blendi Fevziu nëse do të marrë sërish pjesë në garën elektorale të 2029, Berisha dha një përgjigje befasuese.
“Nuk ka tërheqje nga Sali Berisha përpara farsës. Jemi në farsë”, tha Berisha, i cili pavarësisht humbjeve të njëpasnjëshme në zgjedhje nuk e ka ndërmend që të largohet, duke marrë “peng” opozitën e vendit.
Blendi Fevziu: A do të rikandidoni në zgjedhjet e ardhshme?
Sali Berisha: Nuk ka tërheqje nga Sali Berisha përpara farsës. Jemi në farsë.
Blendi Fevziu: Pra, do të rikandidosh sërish?
Sali Berisha: Absolutisht do të rikandidoj.
