Kryeministri Edi Rama i ka dhënë përgjigje zërave se vendi mund të shkojë në zgjedhje të parakohshme, si një zgjidhje për t’i dhënë fund kaosit në jetën parlamentare.
Edi Rama ishte i prerë me përgjigje duke mohuar në mënyrë kategorike zhvillimin e zgjedhjeve të parakohshme, por sipas tij, zgjedhjet e ardhshme do të zhvillohen atëherë kur e ka përcaktuar legjislacioni, në vitin 2025.
Zgjedhje te parakohshme? “PS fiton për shumë arsye dhe fiton sepse është gjithmonë disa hapa përpara gjithë të tjerëve dhe është gjithmonë në përpjekje për të rikrijuar vetveten. Duke nxjerrë mësime nga çfarë erdhi nga zgjedhjet e mëparshme dhe Përgatitemi për zgjedhje të tjera. Jo të parakohshme, të tjera”, tha Rama.












