Kryeministri Edi Rama ka reaguar sërish në lidhje me akuzat e PD e cila thotë se si trashëgimtar i familjes Koleka ka përfituar 22.4 hektarë tokë në Vuno në mënyrë të paligjshme.
Rama shprehet se historia e pronave të familjes së nënës së tij në Vuno janë rrena me biosht dhe se padia e radhës për shpifjet e tyre do të shkojë në gjykatë sapo të jetë gati.
Kreu i qeverisë ndër të tjera shprehet se ka vdekur koha kur Athina fuste hundët në punët e vendit tonë, përmes shërbëtorësh dhe eunukësh me pushtet në Tiranë.
“Nuk kam marrë e nuk do të marr asnjë përfitim material përmes pushtetit që ushtroj, e prej ku familjarët e të afërmit e mi nuk kanë marrë kurrë, në asnjë rast, as edhe një trajtim të veçantë falë pushtetit që ushtroj. Në ndërkohën që Himara u mblidhej për të bërë zgjedhjen e qartë dhe të padiskutueshme që bëri dje, kuzhina e qarqeve ekstremiste greke, ku është gatuar çorba e madhe e gënjeshtrave për pronat në Himarë dhe qenefët e atyre në Tiranë pa din, iman, fe e as atdhe, vijuan të jashtënxjerrin rrena me bisht mbi historinë e pronave të familjes së nënës time në fshatin Vuno të Himarës.Siç e thashë publikisht para disa ditësh, padia e radhës për shpifjet e tyre do të shkojë në gjykatë sapo të jetë gati. Por duke qenë ky i pronës së grabitur nga unë në Vuno me vendime qeverie, një fabrikim i hatashëm në tërë ndytësinë e vet, po ndaj publikisht disa fakte që e tregojnë shumë kokëfortësisht, se jo vetëm s’jemi të gjithë njësoj në këto llogoret e politikës, po jetojmë në dy botë krejt të ndryshme dhe kemi për politikën dhe pushtetin botëkuptime që dallojnë si dita me natën“, tha Rama.












