Pas kërkesës së SPAK për arrestimin e Arben Ahmetaj, sot pasdite në orën 16:00 është planifikuar për t’u mbledhur Këshilli i Mandateve në Kryesinë e Kuvendit.
Kur kanë mbetur vetëm pak orë nga takimi, avokatët e ish-ministrit Arben Ahmetaj kanë kërkuar që mbledhja të shtyhet për ditën e nesërme. Avokatët kërkojnë shtyrjen e Këshillit të Mandateve me justifikimin se dosja e SPAK është voluminoze, rreth 400 faqe.
“Të shtyhet për nesër”- thonë avokatët e Ahmetajt.
Nëse anëtarët e Këshillit të Mandateve do vendosin heqjen e imunitetit të deputetit socialist kjo do i hapte rrugë arrestimit të Arben Ahmetajt.
