Zv/kryeministrja Belinda Balluku ka njoftuar se duke nisur që nga data 2 prill, Shqipëria dhe Izraeli do të kenë një linjë direkte me fluturime të ndërsjellta.
Balluku shprehet se kjo linjë zgjeron mundësitë e bashkëpunimit mes dy vendeve, duke e bërë kështu Shqipërinë një atraksion turistik interesant për Europën.
“Duke nisur nga data 2 prill, Shqipëria dhe Izraeli do të lidhen direkt përmes fluturimeve të ndërsjellta, duke zgjeruar kështu mundësitë e bashkëpunimit mes dy vendeve që historia i ka lidhur ngushtë prej kohësh. Fluturimi inaugurues më 2 Prill, do të sjellë në Tiranë personalitete të fushave të ndryshme nga sektori turizmit dhe showbiz, me fokus promovimin e vendit tonë si një atraksion turistik, më interesant për Europën”, tha Balluku/ Rilindje.info












