Një situatë e tensionuar është krijuar sot në Kuvend nga opozita e Sali Berishës, ku deputeti i Partisë Demokratike Asllan Dogjani ka thyer rregulloren dhe ka kërkuar që të flasë për situatën në veri te Kosovës.
Dogjani i nervozuar ka ngritur zërin dhe më pas ka goditur me grusht foltoren, ndërsa u shpreh i gatshëm për të marrë pushkën në dorë dhe të luftojë për Kosovën.
“Po qe se do të jetë nevoja për të marrë armët, për të shkuar, për të luftuar për Shqipërinë dhe për Kosovën, po unë jam i pari që i marr armët. Ne kuksianët i kemi marrë armët gjatë luftës për çlirimin e Kosovës ku janë vrarë disa të rinj kuksianë për çlirimin e Kosovës. Kemi pritur mbi 500 mijë qytetarë, shqiptarë të Kosovës, që u përzunë nga Millosheviçi. Do të bëj gjithçka për të mbrojtur interesat e tyre”, tha Dogjani.












