Botuesi Bujar Hudhri ka treguar momentet e fundit kur shkrimtari Ismail Kadare u nda nga jeta më 1 korrik.
Botuesi tregon sa të vështirë e kishte ambulanca për të çarë rrugët e Tiranës për të çuar në spital Ismail Kadarenë i cili pësoi “arrest kardiak” dhe nuk mundi të mbijetojë.
“Ka 5 vite që rrinte në Shqipëri, ishte një moment dramatik kur më lajmëruar që duhet të shkoja se diçka kishte ndodhur. Kur e pashë të shtrirë në atë korridor që e kisha parë shumë herë në këmbë, e morëm në ashensor, ishte si i ngrirë. Ikëm në një ambulancë dhe me zor kemi çarë rrugët e Tiranës derisa mbërritëm në urgjencë, mjekët u mblodhën gjersa heshti gjithçka. Ai rreziku sot në Shqipëri, ty s’të hapin rrugën, është fatkeqësi. Isha me një shofer që thoshte kjo është e përditshme. Kjo është alarmante, nuk është vetëm për Kadarenë, por për secilin që ka një hall të tillë”, tha botuesi.
