Kryeministri Edi Rama është nderuar me titullin “Qytetar nderi” nga komuna Vaçarrizzo Albanese, komunë në Kalabri që është e populluar nga arbëreshë.
Titulli iu dorëzua nga Kryetari i Komunës, Antonio Pomillo në një ceremoni ku kryeministri ishte i shoqëruar nga familja e tij dhe 3 kryebashkiakët e zgjedhur të Shkodrës, Vlorës e Durrësit.
“Ky titull përfaqëson një akt mirënjohjeje dhe vlerësimi për angazhimin e tij, udhëheqjen e tij dhe kontributin e tij të jashtëzakonshëm në zhvillimin e Shqipërisë. është një gjest solemn që tregon lidhjen e thellë me komunitetin arbëresh”, tha Pomillo.
“Fillimisht dua të falënderoj kryebashkiakun për këtë gjest miqësie dhe që më dha këtë nder që unë dua të them se nuk e meritoj, por që më bëhet shumë qejfi”, u shpreh Rama.
