“Paga minimale do të jetë 500 euro nga janari i vitit 2026“, theksoi kryeministri Edi Rama gjatë prezantimit të programit të PS.
Gjithashtu Rama e kishte edhe një lajm të bukur për të gjithë pensionistët të cilët u premtoi se gjatë mandatit të katërt pensioni mesatar do të rritet në 400 euro kurse ai minimali në 200 euro.
“Në Janar të vitit 2026 me një vendim që do të merret, paga do të jetë 500 euro. Janë hapur mbi 300 mijë vende pune, ambicia jonë është pensioni mesatar të jetë 400 euro në Shqipërinë 2030 për të gjithë ata që kanë paguar sigurime të plota, kurse pensioni minimal për të gjithë të tjerët që të shkojë në 200 euro”, tha Rama.
Sipas kreut të PS, në Shqipërinë e vitit 2030 paga mesatare do të jetë të paktën 1200 euro.












