Kryeministri i Hungarisë, Viktor Orban ditën e sotme do të vizitojë Shqipërinë, ku palët do të nënshkruajnë marrëveshje që kanë të bëjnë me thellimin e bashkëpunimit ndërmjet dy vendeve.
Në kuadër të këtij takimi, Hungaria zyrtare shprehet se do të ndihmojë Shqipërinë në rrugën e gjatë të integrimit për në Bashkimin Europian.
Lajmi u konfirmua nga vetë shefi i shtypi të kryeministrit, Bertalan Havasi i cili theksoi se: “në funksion të presidencës së ardhshme të Hungarisë në BE, bashkëpunimi ynë për të ndihmuar integrimin e Shqipërisë në BE ka një vend të spikatur”.
Orban do të shoqërohet nga ministri i Punëve të Jashtme dhe Tregtisë, Peter Szillarto dhe ministri i Zhvillimit Ekonomik, Marton Nagy, të cilët pritet të zhvillojnë një takim me kryeministrin Edi Rama.
