Shit-blerja e votë eshte nje fenomen shqetesues ne vendin tone. Se fundmi dy punonjës të Bashkisë së Shkodrës qe udhehiqet nga Partia Demokratike janë kapur nga Policia duke shpërndarë pako me ushqime.
Policia bën të ditur se është ndaluar mjeti për kontroll rreth orës 13:00 dhe jane gjetur 50 qese me ushqime te ndryshme te cilat dyshohet se do t’u jepen banoreve ne disa fshatra te Shkodres me qellim “blerjen” e votes per Partine Demokratike.
“Dy punonjësit e bashkisë Shkodër janë shoqëruar në ambientet e Policisë, së bashku me personin me inicialet E. I., 31 vjeç, me detyrë Drejtor i Drejtorisë Ekonomike të Drejtorisë Arsimore Shkodër, për t’u pyetur në lidhje me këtë rast. Grupi hetimor, në drejtimin e Prokurorisë pranë Gjykatës së Rrethit Gjyqësor Shkodër, vijon veprimet e thelluara procedurale dhe hetimore, për sqarimin e rrethanave të këtij rasti”, njofton policia.












