Kryeministri Edi Rama vlerëson kontributin e çmuar të Belinda Ballukut duke i caktuar një tjetër “post” të rëndësishëm.
Zv/kryeministrja Balluku ka marrë në dorë “timonin” e PS në kryeqytet pasi do të drejtojë fushatën e socialistëve në zgjedhjet e pjesshme në Tiranë.
Ky “post” është lëvizja e radhës lidhur me organizimin e zgjedhjeve të parakohshme në kryeqytet, pas shkarkimit të bujshëm të Erion Veliajt nga Këshilli Bashkiak, vendim që pritet të vuloset sot prej Këshillit të Ministrave, në orën 12:00.
Të mërkurën, kryeministri Edi Rama zhvilloi dy takime me peshë. Së pari me katër nënkryetarët e bashkisë, kryetaren e komanduar Anuela Ristani dhe Ogerta Manastirliun, kandidatja zyrtare e PS-së për postin e kryetarit të ri.
Në takimin e tij me deputetë socialistë dhe ministra, kreu i qeverisë theksoi se shkarkimi i Veliajt ishte i domosdoshëm duke sinjalizuar urgjencën për zgjedhje të reja.
