Kryeministri Edi Rama pritet të shkojë mëngjesin e kësaj të hëne në Presidencë ku do t’i dorëzojë personalisht kreut të shtetit Bajram Begaj propozimet për ndryshimin më të fundit në qeveri.
Dy ditë më parë, ishte vetë kryeministri Rama ai që njoftoi përmes rrjeteve sociale shkarkimin e ministrit të Brendshëm, Bledi Çuçi dhe zëvendësimin e tij me Taulant Ballën. Sipas Kushtetutës, përgjigjja nga presidenca kthehet brenda 7 ditësh, ndërsa më pas i mbetet parlamentit të shqyrtoj dekretin brenda 10 ditësh.
Megjithatë duket se Balla, pas afro 18 vitesh në karrigen e deputetit, tashmë do të drejtojë një prej ministrive më të rëndësishme në vend, atë të Brendshme, me fokus kryesor padyshim punën e policisë së shtetit, dhe çështjet e rendit.












