Kryeministri Edi Rama thotë se pagat e punonjësve në vendin tonë, të cilët punojnë në sektorin e turizmit, janë rritur ndjeshëm.
Kreu i qeverisë u shpreh se “të punosh në turizëm në Greqi a në Itali a kudo tjetër në Europë, si emigrant shqiptar, nuk është më një zgjedhje më e mirë se sa të punosh në Shqipëri, nga Thethi e deri në Ksamil. Pagat e rritura shumë ndjeshëm dhe taksat e shpenzimet shumë më të ulëta se sa kudo gjetkë, e bëjnë sot punën në sektorin e turizmit shqiptar një zgjedhje më të mirë se sa në vende të tjera rrotull”.
Sipas Ramës, përveç rritjes së pagave, taksat dhe shpenzimet në Shqipëri janë shumë më të ulëta se sa në vendet e tjera evropiane, çka e bën punën në sektorin e turizmit shqiptar një zgjedhje më të mirë se sa në vende të tjera rrotull.












