Luiz Ejlli ndodhet në Amerikë ku po zhvillon disa koncerte për shqiptarët e diasporës. Mbrëmjen e djeshme, këngëtari shkodran ka dhënë një koncert në Michigan, por i ka ndodhur një episod mjaft interesant me një të moshuar.
Luizi i ka afruar mikrofonin të moshuarit dhe ky i fundit ka bërtitur: “O Luiz o hero, Sali Berisha ty të do”, duke shkaktuar të qeshura mes të pranishmëve.
“Më fort të dua ty sesa Sali Berishën”, ishte përgjigja e Luizit për militantin demokrat. Në fillim të Big Brotherit, Luizi deklaronte se e kishte idhull Sali Berishen dhe ngrinte dolli për të.
Por, pas daljes nga BBV, Luizi zhvilloi fushate me kandidatin socialist për Shkodrën, Benet Becin madje takoi edhe kryeministrin Edi Rama.












