Është ndarë nga jeta parakohe, infermierja e pediatrisë në QSUT, Liljana Veliaj.
Lajmi i trishtë është bërë i ditur Qendra Spitalore “Nënë Tereza” ku thuhet se Lili ka nderuar jete si pasojë e një arresti kardiak.
“Infermierja e Pediatrisë, Liljana Veliaj, është ndarë nga jeta papritur si pasojë e një arresti kardiak në moshën 59-vjeçare. Lili, ishte shumë korrekte dhe puna për të ishte pasioni më i madh. Ajo i donte shumë pacientët e vegjël me të cilët punonte çdo ditë si infermiere. Lili, ishte përherë e para që vinte në shërbim për të hapur dhomën e konsultës së endokrinologjisë me shumë dashuri e pa vonesa. Lili la pas shumë dashuri, respekt dhe vlera njerëzore e profesionale. QSUNT i shpreh ngushëllimet familjarëve të saj” , njofton Qendra Spitalore “Nënë Tereza”.
