Nëse të mërkurën nxorrëm nga garderoba bluzat me mëngë të shkurtëra të premten duhet të rikthejmë xhupat e dimrit.
Brenda tre ditësh do të përjetojmë verën, vjeshtën dhe dimrin. Temperaturat parashikohet të kenë një luhatje deri me 7 gradë celcius. Sipas meteorologes do të kthehen dhe reshjet e shiut.
“Të enjten rritje të mëtejshme të temperaturave ku në zona të ulëta dhe bregdet termometri do të shkojë deri në 29 gradë, por të premtën presim një rënie për efekt të një mase ajore të ftohtë në mesditë mos i kalojnë 22- 23 gradë nga e shtuna deri javën tjetër rritje graduale. Në muajt e pranverës tipike mëngjese të ftohta dhe mesditë temperatura që si durojmë dot, por 29 gradë, janë 3-4 grade mbi mesataren mujore të prillit. Shiu do të jetë prezent mbi vendin tonë kryesisht ditën e enjte dhe ditën e premte. Të premten reshjet do të jenë të pranishme gjatë ditës herë pas herë në pjesën më të madhe të territorit”, tha meteorologia.
