Pastrimi i territorit vijon të mbetet prioritet i qeverise Rama, veçanërisht gjatë sezonit turistik. Kryeministri Edi Rama ndau sot në rrjetet sociale momente nga puna që kryhet në zonat turistike të Thethit e Ndërlysaj, ku sipas tij, “ka nisur edhe një erë e re e trajtimit të mbetjeve”.
Rama apeloi që “qytetarët e bizneset patriotizmin duhet ta shfaqin sot më shumë se kurrë me përgjegjësi ndaj natyrës”.
“Në Theth e Ndërlysaj, ku bashkë me pikun e sezonit turistik malor që sjell çdo ditë e më shumë vizitorë, ka nisur edhe një erë e re e trajtimit të mbetjeve, me shpërndarjen e kontenierëve të rinj dhe zgjerimin e hartës së pastrimit për t’i dhënë fund situatave degraduese që na skuqin faqen, por edhe duke bashkëpunuar ngushtësisht me qytetarët e bizneset, që patriotizmin duhet ta shfaqin sot më shumë se kurrë me përgjegjësi ndaj natyrës”, shkruan Rama.
