Kryeministri Edi Rama që në mëngjes iu ka bërë thirrje emigrantëve të regjistrohen sa më shpejt për të votuar në zgjedhjet e 11 majit.
Kreu i qeverisë i është drejtuar me një apel shqiptarëve që të regjistrohen sa më parë dhe mos ta lënë për ditët e fundit, pasi edhe sistemi mund të ketë probleme. Rama premton se në mandatin e katërt do të anëtarësojë Shqipërinë në BE.
“Edhe 22 ditë nga përfundimi i regjistrimit të zgjedhësve në diasporë, 11 maj do të jetë votim historik edhe për faktin se për herë të parë shqiptarët e Evropës dhe të mbarë botës do të votojnë nga jashtë kufijve, nga aty ku janë me postë. Por kush do të bëhet pjesë e kësaj historie të re për demokracinë tonë duhet të regjistrohet deri në 4 mars se votimi bëhet me postë dhe koha për tja çuar fletën e votimit në shtëpi çdo zgjedhësi me një zarf të parapaguar edhe për kthimin është e domosdoshme. Unë mezi pres që të shoh se cili do të jetë gjykimi i shqiptarëve të Evropës dhe të botës për Shqipërinë e çliruar nga hija e zezë e paragjykimeve të deri djeshme, për Shqipërinë e respektuar nga Evropa dhe bota si asnjëherë më parë. Në mandatin tonë të 4 do të hedhë hapin përfundimtar të anëtarësimit në BE. Regjistrohuni, mos e lini për ditën e fundit kur edhe mund të ngarkohet faqja e KQZ dhe të bëhet më pas shumë më e vështirë“, tha Rama./ Rilindje.info
