Në rubrikën “Sy më sy”, me komentuesit kryeministri Edi Rama përsëriti sot dhe një herë qëndrimin se është kundër arrestimit të kryebashkiakut Erion Veliajt.
Rama e quajti ‘të panevojshëm’ dhe ‘disproporcional’ arrestimin nga SPAK të kryetarit të Bashkisë së Tiranës, Erion Veliaj në zyrë mesditën e 10 shkurtit 2025.
“Jam kundër ndalimit të kryetarit të Bashkisë së Tiranës. Është i gabuar, disproporcional, është i panevojshëm për të vazhduar hetimet e për të bërë një gjyq të drejtë. SPAK nuk ka rënë nga qielli. Është një institucion i ri me shumë probleme por ka krijuar vetëbesimin e pavarësisë. Askush nuk mund të thotë është i kapur apo kontrolluar nga unë. Është i pavarur, por sfida është që pavarësia të jetë garanci edhe për profesionalizimin e standardet demokratike“, tha Rama./ Rilindje.info
