Kryeministri Edi Rama ka postuar një video me Engjëll Agaçin, për të cilin Sali Berisha ngriti akuza se është arratisur nga SHqipëria.
Rama ka zbukuar se Agaçi ndodhej në Itali ku po merrte shërbime mjekësore, ndërsa këtë të martë Sekretari i Kryemnistrisë është kthyer në Shqipëri.
“Sapo jam kthyer nga Berlini dhe kam gjetur këtu një të kthyer tjetër nga arratia, Engjëll Agaçin. Ky është Sekretari i Përgjithshëm i Kryeministrisë, Engjëll Agaçi, të cilin Bufi i Kënetës e shpalli arratiak në kërkim nga drejtësia dhe e gjithë aradheja kënetore kanal më kanal e portal më portal, ia telendisi familjen e të afërmit, duke batërdisur publikun me kua-kua-kuara të ububushme, teksa tjetri ishte në fije të perit në reanimacion me frymëmarrje të drejtuar, pas një operacioni në zemër që pasoi nga një ndalim i funksionit të mushkërive”,shprehet kryeministri, ndërsa përkrah tij Engjëll Agaçi thotë: “Faleminderit të gjithëve për mbështetjen“.












