Pas skandalit në spitalin Onkologjik, kryeministri Edi Rama e nis javën me një takim me të gjithë shefat e shërbimeve në Qendrën Spitalore Universitare “Nënë Tereza”.
‘Top Channel’ mëson se të hënën në ambientet e QSUT-së, Edi Rama do të zhvillojë një takim “kokë më kokë” me shefat e shërbimit të qendrës më të madhe spitalore në vend.
Publikimi i dosjes ”Kobalti”, ku përfshiheshin mjekë, infermierë dhe koordinatorë solli një reagim masiv në rrjete sociale nga qytetarët të cilët tregonin problemet e tyre në spitalin e Onkologjisë e cila ishte kthyer në një “çerdhe korrupsioni”. E ndikuar edhe e “fryrë” tej mase nga mediat pranë Sali Berishës, kjo ngjarje ka cenuar raportin dhe besimin ‘mjek – pacient’.
Tashmë kryeministri Edi Rama ka detyrë për të qetësuar pacientët të cilëve nuk do t’u mungojë shërbimi spitalor falas.












