Duket se stadiumi “Air Albania” do të presë një tjetër ndeshje europiane, pas kualifikueseve të kombëtares shqiptare.
Bëhet fjalë për ndeshjen me Ballkanit dhe Viktoria Plezen, e vlefshme për Conference League. Ndeshja luhet më 30 nëntor, teksa është vendosur të luhet në Tiranë, për shkak se fusha e stadiumit “Fadil Vokrri” në Prishtinë është në gjendje të rënduar.
Komisoni i Garave në UEFA nuk ka pranuar gjendjen e fushës në Prishtinë dhe kështu, kampionët e Kosovës duhet të luajnë në Tiranë ndeshjen e radhës. Kësisoj, të enjte në orën 18:45 në datën 30 nëntor stadiumi “Air Albania” do mirëpresë Ballkani – Viktoria Plzen për grupin C.
Kujtojmë se finalja e parë e Conference League u zhvillua në “Air Albania” në 25 majin e 2022, me Romën që mundi 1-0 Feyenoord me golin e Zaniolos.












