Kryeministri Edi Rama u ka dhënë dy javë kohë bizneseve dhe individëve për të liruar hapësirat publike.
Rama tha se hapësira publike është kthyer në një hapësirë ku ka shumë abuzime, duke filluar nga trarët e parkingjeve të paautorizuara.
“Deputetët të rikthehen në territor për të mbledhur përfundimisht të gjitha shqetësimet e qytetarëve me një fokus të veçantë tek hapësira publike. Tek hapësira publike, e cila është kthyer në një hapësirë ku ka shumë abuzivizëm, ka shumë zgjerim të paarsyeshëm të bizneseve dhe u ka gjithfarë lloj trarësh, e gjithfarë lloj pengesash të krijuara nga koha që pengojnë seriozisht frymëmarrjen e qetë të lirë të komuniteteve në blloqet e banimit. Kështu që ju bëj thirrje të gjithë atyre që zotërojnë të tilla asete që nga trarët që vendosin për t’u marrë lekë për parkim banorëve në mënyrën më abuzive dhe më skandaloze, duke pretenduar që është prona e tyre private. Nuk mundet dot të vendosë një tra në qytet me pretendimin se është prona jote dhe ti të marrësh lekë banoreve. Kështu që u bëj thirrje të gjithëve që të fillojnë t’i heqin vetë këto trarë dhe këto pengesa. U bëj thirrje të gjithë atyre që janë hapur me tenda dhe pastaj i kanë vënë edhe ato mushamatë dhe pas i përdorin edhe për t’i rihapur rrugë pirjes së duhanit nëpër lokale, që të fillojnë t’i çmontojnë vetë, sepse do të përballen me gjoba dhe deri me ndjekje penale”, tha Rama.












