LooKryeministri Edi Rama ka mbledhur sot strukturat drejtuese të Partisë Socialiste, deputetë e ish-deputetë për zgjedhjet në Bashkinë e Tiranës.
Burime për mediat bëjnë me dije se kreu i qeverisë për zgjedhjet e 9 nëntorit ka vendosur “të fortët” si drejtues politik që të menaxhojnë gjithçka në kryeqytet.
Kryeministri nuk ka kërkuar gjë tjetër veçse mobilizim maksimal për të mbështetur Ogerta Manastirliun si kadidate e PS, emër të cilin e prezantoi në Asamblenë e Përgjithshme të Partisë Socialiste, ndërsa Belinda Balluku është caktuar si drejtuese e fushatës së PS për zgjedhjet e parakohshme të Tiranës.
Burime nga mbledhja bëjnë me dije se Blendi Klosi, Eduard Shalsi dhe Ulsi Manja do të jenë në terren për fushatë me qëllim që PS të fitojë betejën e kryeqytetit.
Toni Gogu do të mbulojë zonën e Ndroqit ndërsa Fatmir Xhafaj në Njësinë Nr.10. Ish-ministrja Bora Muzhaqi dhe Igli Hasani do të kenë në ngarkim fushatën në Njësinë Nr.8. Gjithashtu edhe ish-deputeti i PS, Xhemal Qefalia do të jetë i angazhuar në zonën e Dajtit, zonë të cilën e ka mbuluar edhe më herët.












